4 shtator
Netët e Leximit të Dramës Shqipe
Teatri Kombëtar
Ora 18:00
Në kuadër të aktivitetit “Netët e leximit të dramës shqipe 3” do të zhvillohet ditën e hënë dt.4 Shtator ora 18:00 në ambientet e Teatrit Kombëtar leximi skenik i veprës, “Besa dhe jeta” nga Ylldije Sulka regjisore Esmeralda Stafa , Lexojnë aktoret: Besmir Bitraku,Deliana Topulli, Kastriot Shehi, Jonida Cunga, Fatjon Mici, Marjetina Gjoni, Margent Caushi, Alesia Xhemalaj, Donald Shehu, Anderson Gurra, Erjon Hodo, Erlin Visha, Ergys Malsia.
HYRJA E LIRE!
5 shtator
Mbrëmje Poetike
Të pathënat (Livia Tice dhe Sonja Azizaj) në ART-mishërim
- Çfarë ka SHK(r)UAR?
2. e TANISHMJA
3. ÇFARË po vjen?
ART-mishërim është një kuti me formë të çrregullt.
Një gjëndje pa emër, shkrirje e plotë e reflektimeve për të shkuarën, palëvizshmërinë/qetësinë e së tashmes dhe mendimet krijuese për të ardhmen.
Bashkuar në një zë, një krijesë midis një mbrëmjeje poetike dhe një Poetry Slam merr një tjetër formë jete në Destil, me performanca origjinale të dyshes, duke variuar nga shkrime dhe performanca personale në shkrime dhe performanca si dyshja “Të pathënat”.
Nëse do të doje të dëgjoje një fjalë të thuhej shpesh dhe pa ndonjë qëllim vërdallë teje, cila do ishte?
9 shtator
Teatër
NARÇIZI
Një pseudoperformancë nga Roland Saro
Konsulent regjie&dramaturgjie Drini Ajdinlli
Me pjesëmarrjen e Franc Korunit
(Personazhi) mishëron disa prej figurave më të rëndësishme të artit dhe historisë botërore. Disa prje këtyre figurave janë: Viktor Hygo, Roberto Benigni, Çarli Çaplin, Lasgush Poradeci, Mitrush kuteli, Rudyard Kipling, Osho.
Këtë, ai, personazhi, nuk e bën thjesht për t’i jetësuar këto figura, por për të përcjellë mesazhin e tyre sublim, human, etj. kjo përcjellje realizohet nëpërmjet interpretimit aktorial pikërisht , të materialeve apo krijimeve të tyre gjeniale. Kështu, psh, kur personazhi përdor maskën e Viktor Hygoit ai interpreton një material të shkruar nga Viktor Hygo.
Shfaqja është konceptuar si një bashkëbisedim me publikun.
