28 mars
Panairi i Punës
Work & Study Tirana vjen sërish këtë vit në një dimension të ri dhe të konsoliduar. Bashkia e Tiranës dhe Ministria e Arsimit dhe Sportit mbeten partnerët tanë të përhershëm në zhvillimin e këtij eventi të rëndësishëm. Edhe këtë vit ju ftojmë të bëheni pjesë e këtij bashkëpunimi të frytshëm nga datat 28-30 mars 2018 në Pallatin e Kongreseve.
28 mars
Ekspozitë
“Më thuaj 10 fjalë”
Dhurim librash dhe çelja e ekspozitës “Më thuaj Dhjetë Fjalë” – 28 mars ora 17:30 – COD, Kryeministria
Çelja e ekspozitës “dhjetë fjalët e frankofonisë”, gjatë së cilës do të ekspozohen mure shprehjesh të krijuar nga nxënësit të cilët mësojnë frëngjisht në shkolla të ndryshme të Shqipërisë dhe punojnë mbi një temë të përbashkët : Çfarë është frankofonia ?
Me këtë rast Ambasada e Francës i dhuron rreth njëqind libra Qendrës për Hapje dhe Dialog (COD).
Organizuar nga Ambasada e Francës dhe Qendra për Hapje dhe Dialog (COD).
28 mars
Sonita
Film
Me rastin e 70 vjetorit të Deklaratës Universale të të Drejtave të Njeriut, Sonita është një emigrante e paligjshme Afganase 18-vjeçare, pa dokumente që jeton në periferinë e varfër të Teheranit. Ajo është një vajzë me shpirt festiv, që lufton të jetojë siç dëshiron, si një artiste, këngëtare dhe muzikante, pavarësisht pengesave që has në Iran dhe familjes së saj patriarkale dhe konservative. Në kundërshtim të plotë me synimin e saj është plani i familjes – që mbështetet fort nga mamaja e saj – për ta bërë nuse e për ta shitur atë tek një familje e re.
Paneli i diskutimit për filmin:
Senida Mesi – Zëvendës Kryeministre e Republikës së Shqipërisë
Rafaela Rica – Sipërmarrëse, CEO Iceberg Communications
Lutfi Dervishi – Analist në media, Pedagog i Gazetarisë
Hyrja e lirë / Ndjekur nga një cocktail
