24 janar
Ekspozitë
Fragility
Galeria Kalo ekspozon vepra artistike nudo, piktura dhe skulptura të përzgjedhura nga koleksioni Kalo. Tematika e ekspozitës është “Brishtësia”.
Ne këtë ekspozite shfaqen punët e artisteve: Bashkim Ahmeti, Natasha Bega, Veli Blakcori, Lumturi Blloshmi, Ingrid Brandstetter, Luan Borici, Bashkim Dervishi, Adrian Devolli, Agim Faja, Zamfira Heta, Ardian Isufi, Emanuel Koko, Blerina Kokona, Genti Korini, Anastas Kostandini (Taso), Elsa Martini, Artur Muharremi, Irlir Pojani, Adriana Puleshi, Isuf Sulovari, Arben Theodhosi.
26 janar
Koncert
Orkestra Simfonike e Radio Televizionit Shqiptar në bashkëpunim me Ambasadën Gjermane Tiranë ju fton në një koncert simfonik me pjesëmarrjen e Dirigjentit Mateusz Moleda (Gjermani) dhe solistit Marin Gjollma (Piano).
Të premten, 26 janar 2018, ora 19:00, në sallën e Universitetit të Arteve
Hyrja e lirë!
26 janar
Teatër
Shërbëtoret
Dy shërbëtore, urrejnë e dashurojnë së bashku, zonjën e tyre. Ato kanë denoncuar të dashurin e kësaj të fundit përmes disa letrave anonime. Pasi marrin vesh se zotëria në fjalë do të lihet i lirë për mungesë provash e në këtë mënyrë tradhtia e tyre do të dalë sheshit, fillimisht përpiqen ta vrasin zonjën. Dështojnë. Dhe pas kësaj përpiqen të vrasin njëra-tjetrën. Hedhja e tyre e dëshpëruar hyn në orbitën e mijëra të rinjve të cilët enden pa të ardhme dhe shpresë, me rebelimet e heshtura të përditshme dhe me trazirat sociale të kohës sonë.
Me regji nga Kico Londo dhe aktoret Laura Nezha, Dasara Xhangolli dhe Ilirda Bejleri.
