“SO”
Ekspozitë
24 nëntor – 9 dhjetor 2016
Vernisage: 19:00
Zeta Art Center/ Galeri
Ekspozita “SO” prezanton mënyrat e ndryshme të përdorimit të materialeve (ekzistuese) me përdorim të parashikueshëm dhe tregon mënyrën në të cilën ato ndikojnë dhe interpretojnë interierin e dhomave.
Për instalimet dhe skulptura e tij, Marcus Geiger përdor materiale për mobilim dhe arredim të rehatshëm, por ai i përvetëson ato për një qëllim të kundërt. Materiale prej pellushi, peshqiri, qilime … i rezistojnë përdorimit të pazakontë dhe kështu puna e tij vendoset nën një tension kontradiktor.
Qasja e Dorit Margreiter-it në këtë kuadër ndryshon nga ajo e Marcus Geiger-it, sepse ajo përdor hapësira ekzistuese. Nëpërmjet filmit, fotografisë dhe instalacionit, ajo arrin të zbulojë sfondin dhe idetë e fshehura të dizajnit të interierit.
Katrina Daschner prodhon filma në interierin e teatrove dhe të sallave të operas. Ajo i përball ato me regjistrimet e interpretuesve të veçantë në mënyrë të tillë që ato objekte të cilat në të vërtetë (në fillim) nuk kanë qënë të pranishme aty, të mund të zbulohen. Në filmin e saj “parole rosette”, për shembull, papritmas karriget duken se marrin formën e njeriut, dhe elemente të tjera arkitektonike shfaqen në formë skulpturore.
Filmi “Das Haus” i Roland Rauschmeier-it ofron një udhëkryq të dhomave të ndenjes të zëna dhe, për më tepër, ai e vendos këtë situatë në galeri. Puna e Gerlind Zeilner-it shtrihet mes pikturës dhe objekteve, të cilat janë zhvilluar nga pikturat. Në ekspozitë, ajo do të paraqesë objekte të mobiljeve, të cilat janë shndërruar në hapësira piktorike.
Muzeu im
Ekspozitë
25 nëntor, ora 11:00-18:00
Muzeu Historik Kombëtar
Çdo të premte, ora 11:00 në Muzeun Historik Kombëtar mund të bëheni pjesë e “Muzeu im”.
A keni ndonjë unazë që jua ka lënë pas gjyshi apo gjyshja? Ndonjë vazo të vjetër në shtëpi? Apo çdo objekt tjetër që posedoni dhe vjen nga e shkuara e largët?
Muzeu Historik Kombetar ju fton të merrni këto objekte dhe t’i prezantoni në ambientet tona duke u bërë kështu pjesë të projektit “Muzeu im”. Kushdo që dëshiron të bëhet pjesë e këtij aktiviteti atraktiv është i ftuar, bashkë me objektin e tij, çdo të premte, ora 11:00 për ta prezantuar atë. Objektet që do të sillni normalisht që do t’i merrni sërish.
Film Festival
Projekti i Filmave
25-27 nëntor
Filmbërësit nga e gjithë Tirana, do të konkurrojnë për të parë se kush mund të bëjë filmin më të mirë të shkurtër në vetëm 48 orë. Filmi fitues do të konkurrojë kundër filmave nga e gjithë bota në Filmapalooza 2017 për një shans në çmimin e madh dhe një mundësi për t’u shfaqur në ekran në Festivalin e Filmit në Kanë 2017.
