Koncert
23 mars ora 19:00
Katedralja Orthodhokse “Ngjallja e Krishtit”
Trembëdhjetë muzikantë nga dhjetë vende që flasin nëntë gjuhë të ndryshme. Së bashku, ato transformojnë rrënjët dhe kulturat e tyre të ndryshme në një gjuhë të vetme, në muzikë. Kjo është Orkestra e Piazza Vittorio. Duke filluar nga muzika tradicionale e secilit vend, duke e përzjerë dhe ngjyer me rock, pop, reggae dhe muzikë klasike, arrihet në tingujt unikë të OPV. Një bashkim i kulturave dhe traditave, kujtimeve, tingujve të vjetër dhe të rinj, instrumenteve të panjohur, melodive universale, zërave nga bota.
Nga shpëtimi i Kinemasë historike Apollo në Romë që rrezikohej të kthehej në një sallë bingo, merr jetë idea e krijimit të një Orkestre. E konceptuar dhe krijuar nga Mario Tronco dhe Agostino Ferrente, Orkestra e Piazza Vittorio lindi në vitin 2002 brenda Shoqatës Apollo 11, një projekt i mbështetur nga artistë, intelektualë dhe operatorë kulturorë të cilët dëshironin të vlerësonin zonën Esquilino të Romës, ku italianët janë një pakicë etnike. Orkestra e Piazza Vittorio është një realitet unik.
Teatër
“Shkolla e grave”
E mërkurë 15 dhe 22 mars ora 13:00
Teatri Kujtim Spahivogli
Një super komedi nga Molier. E para pjesë e tij e shkruar në vargje. E vlerësuar si vepra më e fisshme e tij. “Shkolla e grave” – Shkolla e dashurisë dhe e shpirtit, shkolla e adoleshentëve që dinë të dashurojnë.
Teksti: Molier
Përkthimi: Prokop M. Gjergo
Regjia: Endri Çela
Kostumografia: Sofi Kara
Skenografia: Beqo Nanaj
Interpretojnë: Donald
Shehu, Françeska Hysi,
Matia Lluapa, Adriana Tolka,
Deljana Topulli, Xhuliano
Brisku, Emiljano Bufazi
Teatër
23 mars
“Zoti i masakrës”
Teatri Kujtim Spahivogli
Komedia më e mirë e dhjetë viteve të fundit do të ngjitet në skenën e Teatrit Kombëtar Eksperimental “Kujtim Spahivogli”.
Nominuar për gjashtë çmime “Tony” prej të cilave morri tre. Kjo ndodh shumë rrallë.
Subjekti
Një vepër e cila përmban konfliktin që në fillim. Dy çifte, në dukje të qytetëruar takohen për të rregulluar pasojat e një episodi të dhunshëm i cili plasi ndërmjet dy fëmijve të tyre. Djali i Alain dhe Anet i theu dy dhëmbë djalit të Mishel dhe Veronik. Prindërit e djalit dhunues vizitojnë prindërit e viktimës për të kërkuar falje dhe për ta ndrequr gabimin, të paktën nga ana ekonomike. Gjatë vizitës, gjërat fillojnë me diplomaci, por gradualisht, mes tyre rritet një tension. Me ndihmën e alkoolit, ky tension rritet duke kapërcyer egërsisht mbi binarët e Eduart Albi.
Një tjetër vepër e shkëlqyer e Yasmin Reza mbi temën e saj të parapëlqyer: hipokrizinë borgjeze.
Autore: Yasmina Reza
Përktheu: Nasi Lera
Regjia:Kico Londo
As/regjisore: Sara Smaja
Skenografia: Beqo Nanaj
Kostmet:Sofi Kara
Aktorë: Erand Sojli, Alert Celoaliaj, Ermira Gjata, Ermira Cerkozi
