2 tetor
Teatër
Chipping – nga Anna Konjetzky
Të Hënën, 2 Tetor 2017, ora 19:00
Teatri Kombëtar, Tiranë
Hyrja e lirë
Çdo gjë vibron: Në veprën “Chipping” të Anna Konjetzky skena është në lëvizje të vazhdueshme. Kuba ecin sa andej-këtej, njëherë ngadalë e pa u vënë re pothuajse fare dhe njëherë shumë shpejt…
Një përmbytje me videoprojeksion, ku i gjithë trupi vallëzues përpihet nga projeksioni. Trupi, i cili duhet t’i përshtatet gjithnjë kushteve/situatave, kërkon në një copë hapësire të lëkundur rrugën e tij: Çdo hap është një akt i ri baraspeshimi, çdo lëvizje e menduar gjithnjë nga e para, çdo rrugë e gjetur nga e para.
Madje edhe trupi pasiv nuk mund të qëndrojë i qetë në këtë skenë, pasi hapësira në lëvizje e përplas atë lart e poshtë nga të tëra anët deri në rraskapitje e madje përtej saj.
Anna Konjetzky thotë: “Veprimtaria e pandërprerë është, si studim i lëvizjes, shumë interesante për mua, por natyrisht ajo është edhe
një gjendje shoqërore: sasi e lartë informacioni, qasje, disponueshmëri, liri e pakufizuar vendimmarrjeje dhe efikasitet i përhershëm janë hapësirë shoqërore, e cila na detyron ose na mundëson të “hedhim hapa” në mënyrë të vazhdueshme.
Anna Konjetzky krijon prej vitesh performanca dhe skenografi kërcimi, të cilat karakterizohen gjithnjë nga një debat prezent me hapësirën.
4 tetor
Kick Box
Për herë të parë te Fushat Multisportive aplikohet një sport i ri si Kick Box-i.
Kickbox është një nga artet marciale më popullor në gjithë botën. Është nje nga sportet që djeg më shumë kalori për arsye të ritmit të lartë të stërvitjes.
Përveç të gjitha benefiteve fizike kickboxi ndihmon shumë në vetëkontroll, shkarkim të energjive negative, lodhjes dhe stresit së përditshëm dhe për të fituar aftësi për vetëmbrojtje.
Te Fushat Multisportive vjen nën drejtimin e prof. Bedri Dyrmishi, instruktor kickboksi prej 4 vitesh. Dy herë kampion kombëtar dhe 1 herë fitues i Balkan Open Championship në federatë ndërkombëtare WAKO.
