Festivali Ndërkombëtar i Filmit për të Drejtat e Njeriut në Shqipëri
18 shtator
Marubi
Akademia e Filmit dhe Multimedias Marubi organizon Festivalin Ndërkombëtar të Filmit për të Drejtat e Njeriut në Shqipëri (IHRFFA). Këtë vit do të mbahet edicionin e 12-të i këtij Festivali, i cili do të zhvillohet nga data 18-23 Shtator në Akademinë Marubi dhe në Arkivin Qendror Shtetëror të Filmit, Kinostudio, si dhe në vend të tjera në Tiranë.
Në këtë kuadër janë ftuar regjisorë të filmave pjesëmarrës të festivalit dhe aktivistë të njohur, të të drejtave të njeriut nga e gjithë bota, të cilët do të kenë mundësi të prezantojnë filmat e tyre si edhe të diskutojnë për çështjet të të drejtave të njeriut në Shqipëri dhe në botë.
19 shtator
Teatër
“Vdekja e një Mbretëreshe”
TKE “Kujtim Spahivogli”
Vdekja e një Mbretëreshe nga Rexhep Qosja shfaqet në skenë nga iACT Studio me regji dhe interpretim nga Arjeta Dhima. Në Teatrin Eksperimental Kujtim Spahivogli. Në datat 19-20 Shtator Ora:20.00
Vepra ç’mitizon figurën e mbretëreshës ilire, Teuta para se të dorëzojë fronin. Asaj i kujtohet gjithë koha e sundimit të saj e tani ndihet e zhgënjyer, e tradhtuar nga vartësit e saj, servilët, lapangjozët, ata, që deri dje e duartrokisnin dhe sot po e fundosin.
20 shtator
Fëmijë po vjen Cirku!
Agjencia e Parqeve dhe Rekreacionit – Bashkia Tiranë, në bashkëpunim me Cirkun Kombëtar organizon shfaqjen “Fëmijë, po vjen Cirku” në disa nga Sheshet e Reja Rekreative të kryeqytetit dhe në parqet kryesore të tij. Këto shfaqje, jashtë strukturës së përhershme ku realizohen, do të sjellin argëtim, zbavitje, kreativitet për fëmijët e të gjithë grupmoshave, impakt të drejtpërdrejtë të magjisë së këtij arti, te komuniteti dhe njëkohësisht do t’i japin një dimension të veçantë hapësirave rekreative, ku do të zhvillohen. Ju ftojmë gjatë muajve Shtator – Nëntor të ndiqni kllounët, xhonglerët e akrobatët me numra akrobatikë, ajrorë e zbavitës të cilët do t’i dhurojnë publikut një spektakël të vërtetë.
Ju presim ditën e Mërkurë, 20 Shtator te Sheshi Rekreativ Astir dhe ditën e Enjte, 21 Shtator Sheshi Rekreativ te Fusha e Aviacionit, ora 17:30.
