18 tetor
Fëmijë po vjen cirku
Agjencia e Parqeve dhe Rekreacionit – Bashkia Tiranë, në bashkëpunim me Cirkun Kombëtar organizon shfaqjen “Fëmijë, po vjen Cirku” në disa nga Sheshet e Reja Rekreative të kryeqytetit dhe në parqet kryesore të tij. Këto shfaqje, jashtë strukturës së përhershme ku realizohen, do të sjellin argëtim, zbavitje, kreativitet për fëmijët e të gjithë grupmoshave, impakt të drejtëpërdrejtë të magjisë së këtij arti te komuniteti dhe njëkohësisht do t’i japin një dimension të veçantë hapësirave rekreative ku do të zhvillohen. Ju ftojmë gjatë muajve Shtator – Nëntor të ndiqni kllounët, xhonglerët e akrobatët me numra akrobatikë, ajrorë e zbavitës të cilët do t’i dhurojnë publikut një spektakël të vërtetë.
Ju presim ditën e Mërkurë, 18 Tetor te Sheshi Rekreativ te Ali Demi.
18 tetor
Night Ride
Të Mërkurave në mbrëmje rrugët janë tonat. Merrni biçikletën lajmëroni gjithë të njohurit dhe takohemi tek sheshi Skenderbej për të përshkuar çdo javë nga një itinerar të ndryshëm me biçikletë.
Këtë jave shkojmë drejt Lapidarit, në orën 20:00 mblidhet i gjithë grupi bëjmë një diskutim të shkurtër ku secili mund të japë mendim dhe sugjerojë diçka për nismën.
Mos harroni të merrni me vete sa më shumë ndriçues, bokse për muzikë dhe ndonjë birrë ose snack për të konsumuar gjatë pushimit tek Lapidari.
Gjithsecili që bëhet pjesë duhet të respektojë rregullat e qarkullimit dhe të grupit.
19 tetor
Shumë zhurmë për asgjë
Nga William Shakespeare
Perktheu: Alqi Kristo
Regjia : Carlo Sciaccaluga
Skenograf: Carlo Sciaccaluga
Kostumografe: Sofi Kara
As/regjisor: Ledian Gjeçi
Me aktoret: Myzafer Zifla, Elidon Alika, Kristian Koroveshi, Alert Çeloaliaj, Genci Fuga, Gjergj Mena, Endri Çela, Alban Musa, Frençeska Hysi, Esela Pysqyli, Ina Morinaj
Duke filluar nga 7 dhe 8 Tetori, çdo te Enjte, te Premte, te Shtune dhe te Diele ora 19:00 ne Teatrin Kombëtar eksperimental “Kujtim Spahivogli”.
Femra në një bote meshkujsh, ose meshkuj në nje bote të femrave. Përballja mes gjinive. Në sfond të një lufte lumturisht të fituar, ushtaret fisnike të Don Pjetrit të Aragonës, në kthim prej luftës, mbërrijnë zhurmshëm në shtëpinë e Leonatit, guvernatorit të Mesinës. Bota mashkullore depërton dhunshëm në atë femërore : konfliktet dhe dashuritë do të jenë të pashmangshme. Në boten “e fortë” të meshkujve virtytet dominuese janë virtytet e meshkujve dominues : nderi, vlerat, vëllazëria mes ushtaresh, një vetëndergjegjësim paksa i sëmurë. Bota “e dobët” e femrave është viktimë e bastisjes mashkullore në rastin e Heros, vajzës se Leonatit, edukuar nga i ati për të qenë ekskluzivisht grua, e cila akuzohet pa të drejtë për tradhti bashkëshortore ; ndërkohë te Beatricja, kushërira e saj, femrat gjejnë një përfaqësuese te seksit te tyre qe përdor mjeshtërisht fjalët dhe intelektin për te krasitur armët mashkullore. Është një komedi,e nuk është e nevojshme t’a themi, mbaron mirë, por përplasjet janë të ashpra.
