E vërteta e Marias
Teatër, dramë
17 janar
Teatri Eksperimental
19 (E Enjte) 19:00 – 22 (E Diel) 19:00
Drama “E vërteta e Marias” fokusohet në problematika moderne të një shoqërie në tranzicion. Ajo vë në qendër tre personazhe: Lukën, Mateun dhe Zonjën e shtëpisë, përmes një konflikti të hershëm mes dy miqve (Lukës dhe Mateut) që e rimarrin këtë konflikt për ta rindezur, dinamizuar sërish në shtëpinë e Zonjës, e cila në fund është Maria. Autori lë pezull pikëpyetjen: a është e njëjta Maria? Me qëllim që t’i provokojë spektatorit ndjesi, dhe mëdyshje substanciale. Në momentin e shfaqjes së Zonjës si Maria, gërshetohen dy historitë, ajo e Lukës dhe e Matuet me të sajën, ku secili komunikon ngjarjet e veta, që duket se koicidojnë në rrjedhën e veprimit dramatik.
Drama, në mënyrë të drejtpërdrejtë, flet për tre personazhe të cilët janë të futur në një kurth nga e kaluara e tyre, prej ku nuk dalin dot pa u përballë më të dhe pa i rishqyrtuar të gjitha veprat e tyre me sinqeritetin më të madh. Kjo ndodh me dy shokë të cilët para disa viteve, gjatë studimit të tyre kanë bërë një sherr, për këtë arsye edhe janë ndarë dhe nuk janë takuar më, duke jetuar një jetë të izoluar nga njëri tjetri dhe të zënë peng nga kujtimet e tyre. E njëjta ndodh edhe me personazhin e tretë, që është zonja e një shtëpie, që këta e marrin me qira dhe ku arrijnë t’ia zbulojnë të fshehtat më të thella njeri tjetrit, duke e implikuar edhe zonjën në të kaluarën e tyre dhe duke ia hapur edhe asaj varret e së kaluarës.
“Opera për 3 grosh”
Teatër
19-22 janar
Teatri Kombëtar
19 (E Enjte) 19:00 – 22 (E Diel) 19:00
Teatri Kombëtar sjell ne skenë premierën me te re, “Opera për 3 grosh”, kryevepra e autorit çek, Vaclav Havel. Vjen ne ora 19:00 me aktoret e njohur te skenës, si, Arben Derhemi, Alfred Trebicka, Vasjan Lami, Adelina Muca, Olta Gixhari, Laura Nezha, Niada Saliasi, Lulzim Zeqja, Eva Alikaj, Erjona Kakeli, Anila Bisha, Rajmonda Bulku, Arjola Basho, Julinda Emiri, Gert Ferra, Genti Decka, Gent Hazizi, Igli Zarka, Xhuliano Brisku. Regjisor: Mehmet Xhelili Skenografia: Genc Shkodrani Kostumet: Anila Zajmi.
