17 janar
Ekspozitë
“Moti i madh”
Muzeu Historik Kombëtar në kuadër të Vitit Mbarëkombëtar të Gjergj Kastriotit Skënderbeut, ditën e mërkurë, datë 17 janar 2018, ora 11.00 çel ekspozitën “MOTI I MADH”.
Në kuadër të 550-vjetorit të vdekjes së Skënderbeut, Muzeu Historik Kombëtar çel ekspozitën me titull “Moti i Madh”. Kjo ekspozitë përmban statute, faksimile, gravura të autorëve të ndryshëm dhe portrete, me anën e të cilave vizitorët njihen me momente nga jeta dhe betejat e Heroit Kombëtar të shqiptarëve, Gjergj Kastrioti-Skënderbeut, i cili ishte përfaqësuesi më konsekuent dhe më i shquar i elitës drejtuese shqiptare, që udhëhoqi me vendosmëri frontin e luftës së shqiptarëve kundër Perandorisë Osmane.
Ekspozita përmban ekspozitorë të cilat paraqesin për vizitorët armë mesjetare si dhe libra të autorëve të ndryshëm dedikuar Skënderbeut. Projeksionet artistike me dokumentarë dhe imazhet nga filmi i Skënderbeut pasurojnë këtë ekspozitë të veçantë gjatë gjithë hapësirës së hollit kryesor të Muzeut Historik Kombëtar.
20 janar
Teatër
Shërbëtorët
Shërbëtorët, një tjetër kryevepër e dramaturgjisë franceze vjen ne datat 20 dhe 21 Janar Ora 19:00. Bashkëpunim i Ambasadës Franceze ne Tirane dhe Teatri Kombëtar Eksperimental “Kujtim Spahivogli”.
Dy shërbëtore, urrejnë e dashurojnë së bashku, zonjën e tyre. Ato kanë denoncuar të dashurin e kësaj të fundit përmes disa letrave anonime. Pasi marrin vesh se zotëria në fjalë do të lihet i lirë për mungesë provash e në këtë mënyrë tradhtia e tyre do të dalë sheshit, fillimisht përpiqen ta vrasin zonjën. Dështojnë. Dhe pas kësaj përpiqen të vrasin njëra-tjetrën. Hedhja e tyre e dëshpëruar hyn në orbitën e mijëra të rinjve të cilët enden pa të ardhme dhe shpresë, me rebelimet e heshtura të përditshme dhe me trazirat sociale të kohës sonë.
Me regji nga Kico Londo dhe aktoret Laura Nezha, Dasara Xhangolli dhe Ilirda Bejleri.
21 janar
7 vjet Marshimi i përvitshëm ne Tarabosh
Marshimi për ne Tarabosh, edicioni i 7-te është ecje ne malin e Taraboshit qe organizohet nga Klubi Taraboshi Shkodër dhe ferma eco-sociale.
Date 20 Janar 2018 akomodimi ne ferme falas i atyre qe dëshirojnë te kalojnë natën ne çadër apo ne dhomat e fermës. Ekspozite fotografike 6 vite ngjitje ne Tarabosh.
Date 21 Janar 2018 ne ora 08.00 grumbullimi ne fshatin Zogaj, Bashkia Shkodër. 08.30 nisja per ngjitje dhe vazhdimi i ecjes ne kreshten e malit te Taraboshit. Destinacioni ne zbritje ne Fermën Ekosociale, Oblike.
Me ngjitje prane antenave ne Malin e Taraboshit do te organizohen i lojrave, lotari dhe ushqimi.
Pjesëmarrja kërkon kontributin prej 200 Leke për person ose 1,5 Euro. Mos e humbisni kete rast unik për te shijuar bukuritë natyrore nga mali i Taraboshit.
