TEATRI SHËTITËS I MARIONETAVE!
Tiranë, Parku “Rinia”, dt: 14 shtator, ora 11:00-12:30
Një tjetër aktivitet rekreativ, edukues dhe argëtues për fëmijë të grupmoshave të ndryshme, të cilët do të shijojnë vënien në skenë, me marioneta, të përrallave më të njohura. Një mundësi më shumë për të kaluar kohë pranë natyrës dhe me njëri – tjetrin. Organizim tërësisht nga drejtoria e Rekreacionit e APR – Bashkia Tiranë.
Seria e parë tek Parku Rinia, 14 Shtator, ora 11:00. Një gjetje e re argëtuese dhe edukuese për fëmijët ku aktorë profesionistë do të sjellin fabulën e mirënjohur “Vajza me kësulë të kuqe”. Për shfaqjen është ndërtuar enkas një shtëpizë – teatër me elemente dhe motive karakteristike për shfaqje të tilla, tërheqëse dhe impresionuese për fëmijët. Për herë të parë fabulat dhe përrallat e mirënjohura do të performohen nga artistë profesionistë në një shtëpizë – teatër e ideuar për shfaqjet në natyrë.
Përpara fillimit të aktivitetit do të krijohet një atmosferë muzikore me këngë për fëmijë, ndërsa përgatiten aktorët. Pas përfundimit të shfaqjes fëmijët do të kenë mundësi të shohin nga afër kukullat dhe personazhet e tyre të preferuara e madje dhe të bëjnë fotografi me ta.
Ekspozita “Qark” e artistes turke Tulin Onat
14 Shtator – 2 Tetor 2016
Më datë 14 Shtator 2016, ora 19.00, Galeria Kombëtare e Arteve dhe Instituti Junus Emre në Tiranë kanë kënaqësinë të prezantojnë për publikun ekspozitën “QARK” të artistes turke Tulin Önat, me kurimin e Beste Gürsu. Kjo është hera e parë që kjo artiste hap një ekspozitë vetjake në Galerinë Kombëtare të Arteve në Tiranë.
Ekspozita, e cila do të qëndrojë e hapur deri me datën 2 Tetor 2016, organizohet nёn kujdesin e ambasadёs turke nё Tiranё, mbështetjen e İKASD (Shoqata e Dialogjeve Ndёrkulturore tё Artit Stamboll) dhe Linjёs Ajrore Turke (THY) Turkish Airlines.
Artistja Onat (lindur më 1946 në Stamboll), diplomuar për pikturë në 1971 nga Akademia Shtetërore e Arteve tё Bukura pёr Pikturё, në Stamboll, ka hapur 37 ekspozita vetjake, ka marrё pjesё nё mё shumё se 200 ekspozita kolektive brenda e jashtё Turqisë dhe është vlerësuar me mjaft çmime ndёrkombёtare. Veprat e saj gjenden tё eskpozuara nё njё sёrё muzeumesh e koleksionesh private.
Kuratorja Beste Gürsu thekson se format abstrakte, thellёsia dhe efekti i ngjyrave, i pёrforcuar me punimet tre pёrmasore tё veprave tё Onat, ku muri nuk luan thjeshtё rolin e mbajtёsit, por pozicionohet si pjesё e tyre, zgjojnё te shikuesi emocion dhe dёshirёn pёr t’i prekur.
Të Mërkurën me datë 14 Shtator 2016, ora 11.00 në Galerinë Kombëtare të Arteve do të zhvillohet konferenca për shtyp mbi këtë ekspozitë ku vetë autorja dhe kuratorja do ta prezantojnë këtë ekspozitë më gjerësisht.
Pas hapjes, ekspozita mund tё vizitohet çdo ditё nga ora 09:00 – 14:00 dhe 17.00 – 20.00 nё Galerinё Kombёtare tё Arteve.
FIRST STEP FILM FESTIVAL
14 shtator, Ora 20:00 – 12:00
Edicioni i 3-të i FSFF – Festivali Ndërkombëtar i Filmit për Studentë. Gjatë 5 ditëve të festivalit do të shfaqen 86 filma të shkurtër nga rreth 40 vende të botës. Filmat pjesëmarrës janë realizuar te nivelit akademik, realizuar ne shkollat përkatëse të filmit.
Hyrja do të jetë e lirë.
KINOKLUBI I ALEANCËS FRANCEZE TË TIRANËS
“Radiostars” Komedi nga Romain Levy
E enjte 15 shtator 2016 ora 17:30 në Kinema Imperial-Agimi
Një komedi e realizuar nga Romain Levy, 2011, 1:40 min, në frëngjisht me titra në shqip. Shfaqja e filmit realizohet nga Aleanca Franceze e Tiranës dhe Instituti Francez.
Hyrja e lirë.
