12 qershor
Koncert
Sheshi “Skënderbej”
Mos e humb sonte ora 20:30 orkestrën magjike të RTSH me muzikën e filmave shqiptarë në sheshin Skënderbej.
13 qershor
Aerobi në Park
Parku i madh në Kodrat e Liqenit
Ora: 19:00
Çdo të Martë Agjencia e Parqeve dhe Rekreacionit – Bashkia Tiranë, në bashkëpunim me Universitetin e Sporteve të Tiranës dhe Fakultetin e Veprimtarisë Fizike dhe Rekreacionit, sjell Aerobi në Park nga Prof.Dr Ferdinand Mara. Aktiviteti është pa pagesë dhe janë të mirëpritur të gjithë ata që duan të marrin disa këshilla për trup dhe mendje të shëndetshme.
Merr shokët dhe eja te Fushat Multisportive në Parkun e Madh të Liqenit Artificial.
14 qershor
Konferencë
Paraja dhe Bankingu në Shqipëri
Paraja dhe bankingu në Shqipëri – Banka e Shqipërisë ka kënaqësinë të njoftojë organizimin e Konferencës së parë të Muzeut të Bankës së Shqipërisë, e cila do të zhvillohet në datat 14-15 qershor 2017, në selinë e saj qendrore, në Tiranë.
E konceptuar si një veprimtari dyditore, Konferenca do t’i kushtohet temës: “Paraja dhe bankingu në Shqipëri, nga antikiteti deri në ditët tona”. Dita e parë e saj do të mbledhë së bashku historianë, arkeologë e studiues të historisë monetare e ekonomike, për të prezantuar e diskutuar gjetjet e studimeve të tyre në fushën e prodhimit dhe qarkullimit monetar, historisë ekonomike dhe zhvillimit të bankingut në vendin tonë, nga antikiteti e deri në ditët tona.
Ndërkaq, roli edukues i muzeve të bankave qendrore në njohjen e historisë së parasë, bankingut dhe rritjes së kulturës financiare përmes ekspozitave, edukimit dhe inovacionit, do të jenë në fokus të punimeve të ditës së dytë.
Duke ju ftuar të ndiqni punimet e kësaj Konference, për informacionin tuaj, bashkëlidhur gjeni një draft-program të aktivitetit.
Për arsye organizative, jeni të lutur të konfirmoni pjesëmarrjen tuaj duke dërguar një email brenda datës 9 qershor 2017, në adresën muzeu@bankofalbania.org.
Paraqitja në Bankën e Shqipërisë bëhet me dokument identifikimi.
14 qershor
Sport në Park
Parku i madh në Kodrat e Liqenit
Ora: 19:00
Crossfit në Park rikthehet ditën e Mërkurë, 14 Qershor, te Fushat Multisportive në Parkun e Madh të Liqenit Artificial. Aktiviteti është pa pagesë dhe janë të mirëpritur të gjithë ata që duan të marrin disa këshilla për trup dhe mendje të shëndetshme. Eja të mësosh lëvizjet e para të CrossFit me Instruktor Edmond Stafa.
