14 prill
Liqeni i Mjelmave
Balet
Premiera në “TKOBAP”
Baleti “Liqeni i Mjellmave” në 14,15,16 prill 2017 ora 19:00
Në një nga skenat gjigande të kryqeytetit…
Puna vijon me trupën e baletit të “TKOBAP”, për ti sjellë publikut shqiptar një premierë të jashtëzakonshme, të një prej veprave më të rëndësishme të repertorit të baletit klasik botëror, “Liqeni i Mjellmave”. Një koncept ndryshe, një kostumografi e jashtëzakonshme dhe një skenë madhështore e pret publikun e “TKOBAP”.
Shitja e biletave do të fillojë shumë shpejtë dhe i gjithë informacioni do të publikohet në faqen tonë zyrtare në Facebook dhe në web-in e “TKOBAP”.
Diçka e madhe po vjen.
14 prill
Get in the Ring
Bisedime (Talks)
Lajm i mirë! Një ndër konkurset globale më të mëdha në fushën e StartUp-eve “Get in the Ring” po vjen edhe në Shqipëri.
Get in the Ring i jep startup-eve një podium botëror, duke i dhënë kështu mundësinë e lidhjes së kontakteve të vlefshme për t’i shtyrë në krijimin, zhvillimin dhe rritjen e ideve të tyre sipërmarrëse. “Get in the Ring” është i njohur për formatin e tij inovativ, ku startup-et përballen me njëri – tjetrin në një “Boks Ring”.
Në këtë link https://www.youtube.com/watch?v=lX71OIqqfdw do të gjeni një video prezantuese të eventit final “Get in the Ring Global”
Datë 14 prill 2017, “CID, Center for Information and Develoment” dhe “Innovation HUB”, do të organizojnë “Get in the Ring Tirana”. Kjo ditë do të jetë e mbushur me seancat “Pitching”, “One on One” dhe lidhjen me sipërmarrës të suksesshëm, lidera biznesi, klientë potencial dhe shumë të tjerë me interes të lartë për t’ju mbështetur në rritjen e startup-it tuaj.
Fituesi do të fitojë biletën për në “Finalen Globale” në Maj 2017, në Singapor.
Aplikimet pranohen deri më date 5 prill 2017 ora 17:00.
Mos prisni gjatë, aplikoni këtu https://ropaki.com/startup/apply/490
Eventi final do te mbahet diten e premte date 14 prill ne oren 17:00 ne salëln Aula Magna të Universitetit Europian të Tiranës.
15 prill
Qyteti i Ngjyrave
Teatër
Teksti & Regjia : Nelson Mulla
Video-animacion : Renato Aliçkolli
Kostumet: Sofi Kara
Kompozimi muzikor: Edmond Rrapi
Koreografia: Almenda Hoxha
Aktorë: Françeska Hysi, Dajana Nenaj, Shejla Domi, Elidon Alika, Erlin Visha, Aleksandër Mitrollari
Qyteti i ngjyrave është një shfaqje ku të gjithë fëmijët përfshihen me personazhet…
Ishte një kohë kur të gjitha ngjyrat jetonin në harmoni. Të gjitha punonin, kërcenin dhe këndonin për të sjellë një festë të madhe ngjyrash, e cila organizohej gjithmonë në mënyrën më të bukur. Në momentin kur secila nga ngjyrat do t’iu uronte banorëve për një vit sa më të mirë, vjen, si pa u ndjerë, egoja e zezë. Ajo iu pëshpërit në vesh dhe kështu mendimi i saj i keq depërton në mendjen e tyre. Që nga ai moment ngjyrat ndahen dhe secila ndërton qytetin e vet. Një vajzë e vogël e quajtur Blum nuk është e përfshirë nga egoja e keqe. Por a do t’ia dalë të risjëllë harmoninë në qytetin e ngjyrave?
Një shfaqje tejet argëtuese ku fëmijët do të magjepsen nga fantazia e ndërtimit të shfaqjes ku projeksioni, muzika ,kostumet dhe personazhet e krijuar plot ngjyra sjellin një magji të vërtetë në skenë.
Premiera në datat 28 dhe 29 prill ora 10:30 për të vijuar çdo të shtunë në të njëjtën orë.
