4 maj
Ekspozitë
“Mediterranea 18”
Galeria Kombëtare e Arteve
Në muajin maj në ambjentet e GKA zhvillohet ekspozita “Mediterranea 18”, një partneritet i Ministrisë së Kulturës dhe Bashkisë Tiranë.
Shqipëria do të jetë vendi mikpritës i Bienales së Artistëve të Rinj “Mediterranea 18”, një ekspozitë shumëdisiplinore që zhvillohet një herë në dy vjet në një vend të ndryshëm në Evropë. Për herë të parë ministria e Kulturës së Shqipërisë, do të organizojë një ekspozitë ndërkombëtare që mbledh më shumë se 230 artistë të rinj bashkëkohorë ndërkombëtarë në qytetin e Tiranës dhe të Durrësit.
Driant Zeneli u emërua Drejtor Artistik I “Mediterranea 18” me përgjegjësinë për konceptimin e temës dhe ngritjen e ekipit kuratorial.
Tema e “Mediterranea 18″ është Historia + Konflikti + Ëndrra + Dështimi = SHTËPIA
Më shumë se 230 artistë do të ekspozohen në disa hapësira të pazakonta dhe provokuese rreth Tiranës dhe Durrësit, të cilat përfshijnë pamjet e ish komunistëve, muzeumet, ndërtesat, instalimet etj. Përveç GKA disa prej hapësirave ekspozuese do të jenë edhe Ish vila e Diktatorit Hoxha (Villa 31), Reja dhe Piramida.
Mediterranea 18, mund të perceptohet edhe si një ndalesë mes dy ekspozitave të rëndësishme të artit bashkëkohor, që fillon me” Dokumenta 14 “në Athinë, vazhdon me” Mediterranea 18 “në Tiranë dhe Durrës, për të përfunduar me Bienalen e 57-të të Venecias 2017 në Venecia të Italisë.
9-12 maj
Startup Albania
Konkurs
Rrjeti i Informimit i BE-së në Shqipëri, “EUIN” dhe Agjencia Shqiptare e Zhvillimit të Investimeve, AIDA, në bashkëpunim me “Innovation HUB”, EU Policy Hub dhe Ministrinë e Arsimit dhe Shkencës shpallin Konkursin Kombëtar “Startup Albania 2017”.
Të rinj, studentë apo sipërmarrës të rinj që keni një ide inovative APLIKONI në Konkursin Kombëtar “Startup Albania 2017”
Dorëzoni projekt propozimin tuaj në adresën info@euin.al (1 mars – 10 prill, 2017).
Ne mbështesim idetë inovatore dhe sipërmarrësit e rinj! Mos e humb këtë mundësi! Bëhu pjesë e Startup Albania 2017!
Si të aplikoni në Konkursin Kombëtar “Startup Albania 2017”
- Faza e parë: 1 mars – 15 prill, 2017
Dorëzoni projekt propozimin tuaj në adresat info@euin.al. Përshkruani idenë/biznesin tuaj, produktin, ekipin realizues dhe planin e biznesit në formularin e aplikimit.
- Faza e dytë: 15 prill – 30 prill
Vlerësimi i projektpropozimeve. Përzgjedhja e kandidatëve të cilët do të ftohen të ndjekin sesionet e trajnimit (coaching sessions).
- Sesionet e trajnimit: 20 prill – 30 prill, 2017
Përmirësimi i propozmit teknik dhe planit të biznesit përmes trajnimit të sipërmarrësve të rinj.
- Prezantimi dhe ceremonia e ndarjes së çmimeve tëKonkursit Kombëtar “Startup Albania 2017” gjatë Javës së Evropës (6 -13 maj 2017).
Si mund të marr pjesë:
– Të rinj, studentë të moshës 18-35 vjeç që kanë një ide biznesi, si dhe organizata rinore, shoqëri civile, anëtarët e të cilës janë nën 35 vjeç.
– Sipërmarrës që drejtojnë një biznes i cili është rregjistruar në Qendrën Kombëtare të Regjistrimit prej një viti, por jo më shumë se 2 vjet.
Kërkesa:
– Idetë start-up duhet të jenë inovatore
– Nuk ka kufizime për tematikën e projektpropozimeve
– Sipërmarrjet ekzistuese që plotësojnë kriteret nuk duhet të kenë përfituar financime më parë
– Vendi kryesor i ushtrimit të aktivitetit duhet të jetë brenda territorit të Republikës së Shqipërisë
