Dua Lipa ishte kryefjala e “BRIT Awards 2018”, ndërsa fitoi dy çmimet kryesore të eventit: “Këngëtarja më e mirë femër” dhe “Artistja më e mirë e re”.
Këngëtarja 22-vjeçare, e cila tashmë ka arritur mbi 1 miliard shikime në “YouTube” të këngës “New Rules”, ka qenë favorite duke u nominuar në 5 kategori të ndryshme.
Por si e përcollën lajmin e triumfit të këngëtares shqiptare mediat serbe?
“Këngëtarja e lindur në Londër nga një familje e shqiptarëve të Kosovës ka nxjerr në shitje nga viti i kaluar albumin “Dua Lipa”, e cila menjëherë ka marrë kritika pozitive”, shkruan ndër të tjerash portali serb “B92.net”.
“Pak pasi Kosova shpalli pavarësinë, ajo u transferua në Prishtinë, ku jetoi për dy vjet dhe më pas sërish u kthye në kryeqytetin britanik për karrierën e saj muzikore”, raporton portali tjetër serb, blic.rs.
“Babai i saj, Dukagjin Lipa, është i njohur për hitet e sjella në gjuhën shqipe dhe e ka drejtuar atë si të ndërtojë një karrierë”, shkruhet në mediat serbe.
