Fituesja e madhe e BRIT Awards, Dua Lipa, e cila rrëmbeu dy çmime mbrëmjen e së mërkurës, Best British Female dhe British Breakthrough Artist, tërhoqi vëmendjen e të gjithë të pranishmëve.
Por më shumë i ra në sy komedianit Jack Whitehall, i cili sipas Daily Mail, nuk ia ndante sytë këngëtares shqiptare në festën që u organizua pas ceremonisë së ndarjes së çmimeve, madje i dhuroi asaj edhe një puthje.
Pesë muaj pas ndarjes nga Gemma Chan, pas një lidhjeje që zgjati gjashtë vite, Jack, 29 vjeç, thuhet se iu afrua 22-vjeçares shqiptare për t’i pëshpëritur në vesh, duke shkaktuar thashetheme për një romancë mes tyre.
Ndërkohë, mediat britanike shkruajnë se dyshja nuk i ndante sytë nga njëri-tjetri gjatë gjithë festës dhe qëndronin shumë afër. Një burim tha për MailOnline:
“Jack po flirtonte aq shumë me Duan në festë dhe nuk i interesonte se kush po i shihte”.
“Edhe pse ajo po festonte fitoren me familjen dhe shoqet e saj, e kishte vëmendjen te Jack, ndërsa ai i pëshpëriti në vesh dhe e bëri për të qeshur”.
“Ishte e qartë se kishte shumë kimi mes tyre. Shkëndija po fluturonin”, shton burimi.
Por Jack nuk ishte i vetmi mashkull që tërhoqi vëmendjen e Duas. Ish-i dashuri i Rita Orës, Calvin Harris gjithashtu u pa shumë afër me këngëtaren shqiptare, duke biseduar. “The Sun” shkruan se dyshja flirtuan gjithashtu, ndërsa publikoi fotot.
Dua është ndarë 29-vjeçari muzikant Paul Klein në janar 2017 pas pesë muaj lidhje dhe u raportua se ka shkëmbyer mesazhe me ish-të dashurin e saj model, Isaac Careë pas ndarjes në atë kohë.
