Të gjithë besojmë se keni dëgjuar për “Anastasia Beverly Hills”…
Është një nga kompanitë më të njohura kozmetike në botë që numëron një numër të lartë ndjekësish në Instagram dhe përflitet shumë për të.
Aty grimohen disa nga personazhet më të njohur të showbizit botëror si për shembull Paris Hilton e shumë të tjerë.
Kompania amerikane në fjalë njihet gjerësisht për produktet e vetullave, të cilat realisht janë të hatashme.
Por e dini se kush është pronarja dhe drejtuesja ekzekutive e “Anastasia Beverly Hills”?
Me shumë gjasë e dini kush është, mirëpo origjinën e saj jo!
Anastasia Soare është me origjinë shqiptare dhe këtë informacion që deri më tani na kishte shpëtuar, e ka rrëfyer publikisht grimierja Vjosa Paçuku e cila është punonjëse në kompaninë e famshme.
Pasditen e sotme Vjosa ishte e ftuar në emisionin “Rudina”, prej ku tregoi se Anastasia në momentin që zbuloi se ajo ishte shqiptare i ishte drejtuar në këtë mënyrë: “Më vjen mirë që je shqiptare, sepse dhe unë jam gjysmëshqiptare. Mamaja ime është nga Elbasani.”
Në vijim, grimierja pohoi se Soare ua tregon origjinën e saj vetëm personave të afërt.
Rikujtojmë se Soare ka lindur në Constanţa, Rumani. Ajo është fëmija i vetëm i Dumitru Bălămaci (i cili vdiq kur ajo ishte 12 vjeç) dhe Victoria Babu. /tiranapost.al
