Një defekt i gjerë në sistemet kompjuterike të American Airlines detyroi kompaninë të pezullojë përkohësisht disa fluturime të premten, më 27 qershor. Sipas CNN dhe The New York Times, ndër aeroportet e prekur ishin Miami, Charlotte, Chicago O’Hare dhe Dallas Fort Worth.
Në një deklaratë zyrtare, kompania tha se problemet me “lidhjen teknologjike” preken sistemet e rezervimeve, check-in, biletave dhe bagazheve. Sipas tyre, asnjë fluturim nuk u anulua, por pati vonesa.
Sistemet u rikthyen online rreth orës 14:45 me orën lokale. Ndërkohë, disa pasagjerë raportuan se qëndruan të bllokuar për më shumë se një orë në avion, ndërsa pritej zgjidhja e problemit.
