Balerina e njohur shqiptare, Klaudia Pepa, e cila tashmë po e zhvillon karrierën e saj artistike në Itali, prej disa ditësh është rikthyer në Tiranë. Ajo po e shfrytëzon këtë periudhë për të takuar familjarët dhe miqtë e saj të ngushtë. Tepër e kënaqur nga këto ditë të lumtura që po kalon në vendlindjen e saj, balerina ka ndarë një foto edhe me fansat e saj në Instagram.
“Tirana ime! E lumtur teksa shoh që Tirana po ndryshon”, shkruan Klaudia krahas fotos në Instagram.
Mirëpo ndërkohë që Klaudia po iu gëzohet ditëve të saja pranë miqve dhe familjarëve, ish-bashkëshorti i saj Albi Nako është arratisur nga Tirana. Nëpërmjet një postimi në Instagram koreografi i njohur na ka treguar se është në Bruksel.
Nuk dihet nëse ky është një udhëtim pune i planifikuar paraprakisht nga Albi, apo nëse ka lidhje të drejtpërdrejtë me ardhjen e Klaudias në Tiranë.
