Pas suksesit të padiskutueshëm që patën me këngën “Menemadhe”, Ledri Vula, Lyrical Son dhe MC Kresha, janë duke kurdisur diçka.
Së fundmi tre reperët kanë udhëtuar drejt New York-ut nga ku kanë publikuar edhe një foto.
Menjëherë pas publikimit të fotos fansat kanë nisur të aludojnë për një bashkëpunim të mundshëm dhe duket se artistët kanë udhëtuar drejt New York-ut për të bërë xhirimet e klipit.
Nëse këto aludime janë të vërteta, Ledri Vula, MC Kresha dhe Lyrical Son do e mbyllin vitin me një sukses tjetër.
Kujtojmë se “Menemadhe” u kthye në hitin e verës që lamë pas dhe në Youtube numëron 39 milionë klikime.
