Hugh Hefner vdiq në moshën 91-vjeçare, la pas katër fëmijë, perandorinë e tij legjendare “Playboy” dhe bashkëshorten Crystal Harris. Pavarësisht se Hefner ishte i rrethuar nga femrat, ai vdiq i martuar vetëm me njërën. Harris u takua për herë të parë me Hefner në “Halloween”-in e 2008-s, gjatë një feste në rezidencën e “Playboy”, ata u fejuan dhe u ndanë në vitin 2011, ndërsa shpallën ndarjen e tyre vetëm 5 ditë para martesës. Ata më pas u martuan natën e Vitit të Ri të 2012-s.
Pavarësisht se ajo nuk do të marrë asgjë nga trashëgimia e lënë nga Hugh Hefner, për shkak të marrëveshjes paramartesore që vejusha 31-vjeçare pati firmosur, ajo do të përfitojë nga vdekja e themeluesit të “Play Boy” 5 milionë dollarë kesh dhe një vilë me vlerë 7 milionë dollarë.
Crystal Harris, e përfiton këtë të drejtë pikërisht nga marrëveshja paramartesore, e cila e përjashtonte nga çdo pasuri tjetër e Hugh Hefner, por nuk e linte atë “dorëthatë”.
Pasuria që Hefner la pas, i kalon 150 milionë dollarë në llogaritë bankare, 100 prej të cilave ai i përfitoi nga shitja e vilës së famshme të Play Boy-t, pa llogaritur këtu edhe asete të ndryshme ku ai pati investuar. Por nga këto shuma, bashkëshortja e tij 31-vjeçare nuk do të mund të përfitojë asgjë dhe trashëgimtarët e ligjshëm janë vetëm fëmijët e Hugh Hefner.
*Shfleto galerinë
Burimi: Heavy
