Çfarë ngjyre shikon në imazh? Me siguri nëse jeni të lumtur, pa u menduar, do të thoni menjëherë, blu! Mirëpo, nëse gjendja shpirtërore nuk është edhe aq e mirë, nëse jeni të trishtuar, atëherë nuk do të keni përgjigje të qartë; do jeni në dilemë mes bojëqiellit dhe gurkalit.
Ndodh kështu sepse, sipas studiuesve trishtimi ndikon në perceptimin që kemi për të përcaktuar ngjyrat. Në një studim të publikuar te “Psychological Science” janë shqyrtuar përgjigjet e 200 studentëve, menjëherë pasi kanë parë një video të trishtë dhe një të gëzuar.
Në provën e parë, 127 studentë u ndanë në 2 grupe: grupit të parë iu tregua një video e trishtuar, ndërsa të dytit një video e gëzuar. Nga përgjigjja u testua aftësia e tyre për të identifikuar ngjyrat. Ata që kishin parë videon e trishtë, nuk ishin në gjendje të dallonin ngjyrën me saktësi, siç ndodhi me grupin tjetër.
“Rezultatet tona tregojnë se humori dhe emocionet mund të ndikojnë në mënyrën sesi e shohim botën përreth. Trishtimi dëmton proceset vizuale që janë të lidhura me perceptimin e ngjyrave”, pohon Christoper Thorstenson, një nga psikologët që ka qenë pjesë e studimit.
Burimi: Huffington Post
