Në puntatën e sotme të “Për’puthen” ka pasur edhe momente të bukura.
Pjesa më e veçantë ishte supriza që Kristi i ka bërë Alesjas në studion e programit.
Ai i dhuroi konkurrentes një qen, madje u quajt nga Arjani edhe si një “dhuratë origjinale”.
Kjo nuk lumturoi vetëm Alesjan, por të gjitha vajzat e “Për’puthen” të cilat reaguan shumë të emocionuara.
Arjani: Si e ka emrin?
Bora Zemani: Do ia vendosi Alesja emrin. Sa të mendojë Alesja për emrin e qenushit, ti (drejtuar Kristit) na trego përse kjo zgjedhje për Alesjan.
Kristi: Sa herë të jetë e mërzitur Alesja të merret me qenushin. Ta kalojë mërzitjen shumë shpejtë.
Alesja: Kjo është princesha ime tani.
Bora Zemani: Po si quhet princesha jote?
Alesja: Princesha.
Kristi: Me këtë dhuratë doja të vendosja edhe në provë Alesjan nëse i donte qenushët, ngaqë unë merrem gjatë gjithë kohës. Partnerja që unë dua të kem në krahë do të doja t’i donte.
Rikujtojmë se Alesja njihet për takimet që ka pasur me ish-konkurrentin, Albi Dhima.
Ai doli prej disa ditësh nga programi i dashurisë për shkak se nuk e gjeti dot dashurinë, edhe pse kishte disa kohë që ishte deklaruar për Alesjan.
Ai pati thënë se nëse nuk do dilte nga programi me të, do të dilte vetëm.
