Surprizë! Genta Ismaili dhe reperi Fero po sjellin një duet dhe nuk dimë ç’të presim nga ky kombinim.
Sipas “Indeksonline” kënga tashmë është gati dhe pritet që shumë shpejt të xhirohet edhe klipi, teksa nuk ka ende detaje të tjera.
Dy këngëtarët që vijnë nga i njëjti qytet, janë përfolur edhe më herët për një duet të mundshëm, pas një fotografie që qarkulloi në Internet dhe duket se ka ardhur koha që planet të vijnë në jetë.
Para disa ditësh, Arbenita Ismajli, na bëri të ditur se Fero ishte rikthyer në rrjete sociale. Ajo publikoi një foto përkrah reperit dhe lajmëroi të gjithë fansat për rikthimin e tij.
Rikthimi i tij nuk ishte i kotë, pasi Fero u kthye fuqishëm në muzikë duke lançuar këngën më të re të titulluar “Italy”.
Nga ana tjetër, Genta Ismajli ka vendosur që këtë vit të mos ndalet dhe shumë shpejt do të publikojë bashkëpunimin e radhës që pritet të jetë mjaft i suksesshëm. Këngëtarja me origjinë shqiptare do të sjellë së shpejti duet me një artist turk, por ende nuk bëhet e ditur se cili do të jetë.
Lajmin e ka zbuluar media turke “Haberler”, që ka bërë të ditur se kënga do të vijë në gjuhën turke. “Do të jetë befasi dhe nuk do e zbuloj emrin tani, por kënga do të jetë në gjuhën turke dhe të gjithë do e këndojnë”, ka thënë Genta, duke e mbajtur sekret emrin e artistit me të cilin do të bashhkëpunojë.
Në artikull thuhet se këto ditë këngëtarja do të udhëtojë drejt Turqisë për të finalizuar projektin e saj muzikor. Kujtojmë se në muajin gusht, Genta publikoi këngën “Ça me bo” në bashkëpunim me Marselin dhe që nga aty nisën komentet e shumta nga fansat e saj turk.
