Marina Vjollca këtë sezon të “Klanifornias” ka eksperimentuar shpesh me look-un e saj, duke ardhur herë me flokë të zeza, e herë brune, herë më balluke e herë me flokë të shkurtëra.
Megjithatë, duhet theksuar fakti se në të gjitha rastet ka përdorur paruke, pasi publiku e do bjonde me flokë të gjata e ajo s’ka sesi të heqë dorë nga look-u që e personifikon.
Këtë sezon Marina na ka treguar edhe aftësitë e saj si aktore duke marrë pjesë hera-herë në role të ndryshme që i besohen në emision.
Një rol duket se qenka rezervuar për të edhe për puntatën e radhës, ku bukuroshja e ekraneve shqiptare do na vijë ne rolin e Hyrremit. Ajo ka shpërndarë disa foto në rrjetet sociale ku shihet se është transformuar komplet dhe duket thjesht një YLL.
View this post on Instagram
Në mbishkrimin e vendosur krah fotos ajo ka bërë me dije se trupa e spektaklit do sjellë telenovelën që bëri namin “Sulejmani i Madhërishëm”. Për ata që nuk janë të dhënë pas serialeve turke Sulejmani i Madhërishëm është një telenovelë historike.
Ajo u transmetua fillimisht në Show TV dhe pastaj u transferua në STAR TV në sezonin e tij të dytë. Seriali është i bazuar në jetën e Süleyman I (i njohur edhe si Sulejmani i Madhërishëm), dhe Hyrrem, vajza skllave që u bë mbretëresha e tij.
View this post on Instagram
Këtë herë “Klanifornia” nuk vjen të shtunën, por të enjten më 31 dhjetor, ku pritet të dhurojë spektakël dhe të qeshura pafund.
Sakaq, për herë të parë nga nisja e këtij sezoni televiziv, dy motrat Vjollca nuk do jenë përballë njëra-tjetrës. Kjo pasi “Shiko kush luan” do transmetohet të premtën më 1 janar dhe asnjëra prej tyre nuk do vijë në ekran të shtunën, siç jemi mësuar tashmë prej disa sezonesh.
