Disa rrathë të mëdhenj me ngjyrë të kuqe, janë vënë re në trupin e sportistëve të Lojërave Olimpike, kryesisht tek ata amerikanë, përfshi këtu atletin më të dekoruar në historinë olimpike, Michael Phelps.
Në fakt kjo metodë që bëhet përmes vendosjes së disa kupave të nxehta mbi lëkurë, përdoret për të lehtësuar dhimbjen dhe për të ndihmuar në rikuperimin fizik.
Kjo praktikë njihet prej 3 mijë vitesh, edhe pse shumë ekspertë thonë se nuk është një trajtim i provuar mjekësor. Praktikuesit e saj thonë se i ndihmon për një seri problemesh, duke nisur që nga dëmtimet e muskujve, lodhja e deri tek celuliti.
“Sigurisht klientët e akupunturës janë të kënaqur. Por nuk ka asnjë provë që provon efikasitetin e saj,” thotë profesori, Edzard Ernst për BBC.
Njollat e kuqe formohen pasi gjaku tërhiqet në sipërfaqe, duke shpërthyer kapilarët e vegjël. Kjo nuk njihet si nëj metodë e dhimbshme, megjithatë në dukje duket e frikshme.
