Pas koncertit të këngëtares me origjinë nga Kosova, Dua Lipa, që do të mbahet në 10 gusht në Tiranë, në sheshin “Nënë Tereza”, një tjetër lajm i mirë vjen për adhuruesit e muzikës.
Ardhja e Dua Lipës në Tiranë pritet të pasohet me ardhjen e një tjetër këngëtareje, po ashtu shqiptare dhe me famë ndërkombëtare, e cila do të vijë në kryeqytet në shtator.
Bëhet fjalë për Bebe Rexhën, 26-vjeçarja e cila ka realizuar një sërë bashkëpunimesh me emra të njohur të muzikës ndërkombëtare si: G eazy, Nicki Minaj, David Guetta etj.
Bebe Rexha ka njoftuar përmes profilit të saj në Twitter se do të mbërrijë në Tiranë në muajin shtator. Ende nuk dihen detajet e kësaj vizite, nëse bëhet fjalë për ndonjë koncert apo për ndonjë vizite në Shqipëri. Por kjo pritet të zbulohet shumë shpejt…
