Koha për “shopping” nuk është e përcaktuar, gjithmonë mund të themi se “Ja, tani është momenti i duhur”. Por gjithmonë duket të keni parasysh që të zgjidhni cilësinë, në vend të sasisë. Në këtë mënyrë duhet që të tregoheni të kujdesshëm ndërsa blini në mënyrë virtuale për të përfituar produktin e dëshiruar, por edhe për të marrë kënaqësinë e duhur. Ja disa këshilla të nevojshme:
Kursimi
Kursimi jo gjithmonë është zgjidhja e duhur. Nëse blini diçka që ka një çmim shumë të ulët, pa kuptuar se sa do t’ju nevojitet dhe duke vlerësuar cilësinë, atëherë ndoshta nuk jeni duke bërë një investim të mirë. Pra, në çdo rast duhet të vlerësoni raportin cilësi/çmim, por edhe nëse ia vlen të shpenzoni diçka më shumë. Kursimi nëse nuk është i menjëhershëm, do të vijë me kohën.
Mos i nënvlerësoni uljet
Duhet të blini një fustan eventesh? Prisni deri në sezonet e uljeve (para Vitit të Ri ose në janar të vitit të ardhshëm), pasi do të ketë ulje çmimesh për të gjitha koleksionet e atij sezoni. Ulje gjithashtu parashikohen edhe për aparatet telefonik apo elektroshtëpiaket që kursejnë energji, synimi është që të zëvendësohen me pajisje të reja. Pra nëse keni një frigorifer, lavatriçe, sobë me gaz të vjetër mund ta ndërroni dhe të merrni një të re. Uljet mund të arrijnë deri në 55%.
Parashikoni të ardhmen
Kur bëni një blerje, përpiquni të projektoni edhe të ardhmen. Mos u përqendroni vetëm tek ideja e kursimit “këtu dhe tani”, por mbi përdorimin e tij në kohë më të gjatë. Në këtë mënyrë do të kuptoni nëse vlen të shpenzoni diçka më shumë apo të shkurtoni shpenzimet.
Kjo vlen më shumë për produktet që kanë konsum të gjatë ose për ato që përdorni më shpesh. Për shembull, mos u përpiqni që të kurseni te këpucët nëse i përdorni çdo ditë. Më mirë blini një palë të shtrenjta, por cilësore.
Bëni një kontroll të fundit
Mos u shpërqendroni në fazën përfundimtare të blerjes, ajo që vjen përpara pagesës, veçanërisht nëse do të bëni një dhuratë. Kontrolloni që të jetë ajo që kishit zgjedhur dhe të jetë në kushte të mira (ndoshta sapo është marrë nga magazina dhe nuk është ajo që iu kishin treguar). Për çdo rast të tillë kur porosisni online kujdeset kompania për t’i zgjidhur.
Mendohuni edhe një herë
Kur është e mundur, merrni edhe pak kohë në dispozicion, kështu do t’i shmangni vetes zhgënjimin e momentit të fundit. Në këtë moment ndodh të bëhen gabimet më të shpeshta.
Burimi: Daily Mail
