Qindra besimtarë myslimanë u mblodhën sot në bulevardin “Dëshmorët e Kombit” në Tiranë për të kryer faljen e Bajramit. Besimtarët myslimanë në Shqipëri dhe në të gjithë botën festojnë sot, festën e Fiter Bajramit, e cila vjen pas muajit të madhërishëm, të sakrificës, atij të Ramazanit.
Falja e Bajramit është bërë sot në 06:09 kudo në Shqipëri. Në këtë Bajram, besimtarët myslimanë luten për më shumë dashuri mes njëri-tjetri, për më shumë begati, si dhe që t’i pranohen sakrificat e muajit të Ramazanit.
Nënkryetari i Komunitetit Mysliman, Ali Zaimi u shpreh e dita e sotme është një ditë e shënuar për të gjithë myslimanët. Dita e Fiter Bajramit sipas Zaimit është një ditë falënderimi ndaj Zotit që mundën ta arrinin të agjëronin.
Të famshmit nga fusha në ndryshme uruan në këtë ditë për më shumë paq dhe ditë të lumtura. Stafi i “ICON” i uron të gjithë besimtarëve myslimanë në të gjithë Shqipërinë, por edhe jashtë saj, gëzuar festën e Fiter Bajramit, Zoti i pranoftë lutjet tuaja.
