“Kinemaja veror”, pavarësisht viteve, nuk mund të dalë kurrë nga moda. Kush nuk do të dontë të shijonte një film të bukur, në ambient të hapur krah miqve më të mirë. Për këtë mund të jemi gjithmonë gati!
Një grup prej 100 të rinjsh në kryeqytet kanë zgjedhur t’i ndajnë mbrëmjet e të dielave mes tyre, duke shijuar filma të mirë nën kuvertën e yjeve.
Përzgjedhja u lihet atyre në dorë dhe akoma më mirë kur ka dëshira të përbashkëta.
Organizatorja Julia Sinanaj është shprehur se ky trend i rikthyer është socializim. “Këtu mund të vijë çdo person, hyrja është e lirë, nuk ka asnjë lloj pagese për të parë filmin në lulishte. Ne kemi shumë nevojë që të rrimë dhe të ndajmë më shumë kohë me njëri tjetrin. Për mua një nga gjërat e para është socializimi. Një arsye tjetër është se ne po japim filma shumë të mirë”, shprehet Sinanaj.
Kinemaja verore do të zgjasë deri në fund të muajit korrik. Por kjo nismë vitin do të nisë që në muajin prill. Ndërsa pritet që të ketë disa kinema. Sapo ju sollëm një ide se si ta kaloni mbrëmjen e së dielës, pas diellit të plazhit të paradites.
