Ajo i ktheu kurrizin modelingut për të fokusuar vëmendjen në aktrim.
Gjithsesi, kur vjen puna për të pozuar para kamerave, Cara Delevingne është po aq tërheqëse sa gjithmonë, ndërsa josh për një pozë seksi në intervistë.
23-vjeçarja, pjesë e filmit “Suicide Squad”, ka pozuar e zhveshur për numrin e ri të shtatorit të revistës “Esquire”.
Të shoqëruar me një intervistë, Cara flet për luftën e saj me depresionin si një adoleshente. Ajo pranoi se në të njëjtën javë që vendosi të mos merrte më ilaçe kundër depresionit, ajo përfundoi duke humbur virgjërinë.
“Atë javë, unë humba virgjërinë, jam grindur, kam qarë, kam qeshur. Ishte gjëja më e mirë në botë t’i ndjeje gjërat sërish. Dhe isha ende në depresion, por preferoja më mirë të mësoja të kuptoja veten, se sa të varesha nga ilaçet. Unë i urrej ilaçet. Nuk pajtohem me to. Është kaq e lehtë të abuzosh me to”, tregon Cara për “Esquire”.
Cara u diagnostikua me depresion kur ishte vetëm 16 vjeçe. Ajo pranoi presionin e shkollës dhe hormonet e saj që shkaktuan një “ngarkesë mendore”.
Ajo shpjegon: “Unë isha vetëvrasëse. Nuk mund ta pranoja më atë. Kuptova sa me fat dhe e privilegjuar isha, por gjithçka që doja të bëja është të vdisja. Ndihesha shumë në faj, për shkak të saj dhe e urreja veten dhe pastaj është një zinxhir. Nuk doja të ekzistoja më. Doja që çdo molekulë e trupit të shpërbëhej. Doja të vdisja”.
Gjithsesi, Cara thotë se tani është e lumtur me jetën dhe shumë e dashuruar me të dashurën St Vincent.
“Kjo ndihet ndryshe. Kur gjen dashurinë e vërtetë ti shikon pas te dashuritë e tjera që ke pasur, “Oh ajo ka qenë aq shkatërruese”, shprehet Cara.
Intervista e saj vjen para, ndërsa Cara mori pjesë në premierën në Britani të filmit të ri “Suicide Squad”. Modelja u shfaq me një fustan nga Alexander McQueen dhe çizme nga Christian Louboutin.
*Shfleto galerinë
Burimi: Daily Mail
