Ka më shumë se dy fundjava që qarkullon lajmi në portale dhe rrjete sociale se moderatorja e “Thurje”, njëkohësisht protagonistja e filmit “7 ditë”, Jonida Vokshi, dhe reperi Capital T, janë në një lidhje dashurie. Sipas mediave, Jonida dhe Capital T kanë kaluar disa ditë të bukura në Londër, ku janë parë duke u puthur.
Megjithatë, vetë moderatorja dhe reperi asnjëherë nuk janë shprehur lidhur me këtë deri në momentin që vendosën të rrëfejnë të vërtetën në emisionin “Thumb”. Të dy jo vetëm që e mohuan kategorikisht një lidhje mes tyre, por edhe treguan se nuk kanë qenë aspak bashkë në Londër. Jonida tregoi se ajo është marrë me filmin, ndërkohë që me humor Capital T u ka kërkuar gazetareve numrin e Jonida Vokshit, duke lënë kështu të kuptohet se as numrin e saj të telefonit nuk e ka.
Në fakt, Jonida dhe Capital T do të bënin një nga çiftet më të bukura të showbiz-it shqiptar, por ja që kjo nuk është e vërtetë dhe u konfirmua më në fund në “Thumb”! .
