Aktori i njohur i “Portokalli”-së, Florjan Binaj, është bërë baba për herë të dytë. Ka qenë vetë Binaj ai që ka bërë publik lajmin në rrjetet sociale, duket postuar një foto nga pjesëtari më i ri i familjes: Glauk.
“Sot dorën sa gishti, nesër jetën sa malet! Sot lindi Glauk, djali ynë dhe na e bëri ditën, familjen dhe jetën më të bukur”,- ka shkruar Binaj. “Jetë të gjatë Glauk!” – shkruan Polici i “Portokalli”-së në Instagram.
Flori dhe bashkëshortja e tij, Sadina, janë gjithashtu prindër të një vajze me emrin, Krena.
