Nëse duam të theksojmë imazhin tonë gjëja e parë që na shkon në mendje është të përdorim një buzëkuq të kuq. Shumë nga ikonat e bukurisë si Marilyn Monroe apo Elizabeth Taylor dhe celebrities kanë bërë pjesë të stilit të tyre ngjyrën e kuqe të buzëve. Nuk është legjendë, por e vërtetë, buzëkuqi i kuq u shkon të gjithave, sekreti qëndron tek zgjedhja e tonalitetit të duhur. Sa herë që blini një të kuq buzësh duhet të merrni gjithmonë parasysh ngjyrën natyrale të buzëve tuaja. Nëse buzët tuaja janë në ngjyrë vjollcë këshillohet e kuqja e akullt, nga ana tjetër buzëve natyrale në ngjyrë korali u qëndron shumë mirë buzëkuqi i kuq më i ngrohtë. Buzëkuqi i kuq duhet përshtatur po ashtu me ngjyrën e lëkurës dhe flokëve.
-Buzëkuq i kuq mat për buzë mishtore: Të gjitha femrat do të donin të kishin buzë mishtore. Për të evituar një rezultat vulgar zgjidhni një buzëkuq mat duke lënë mënjane efektin e shkëlqimit, i cili do i bënte buzë të dukeshin më të fryra si tullumbace.
-E kuqe e çelët për buzë të holla: Duhet të dini një sekret, ngjyrat e forta dhe të errëta i bëjnë buzët të duken edhe më të holla, kështu qe është mirë të përdorni tonalitete të çelura të së kuqes.
-E kuqe qershi për brune me sy te çelur: Nëse jeni brune me sy dhe lëkurë te çelur përdorni një buzëkuq qershi të ndezur pasi është ideal për të nxjerrë në pah këto kontraste.
-E kuqe në vishnjë për femrat me lëkurë të bardhë si porcelan: Për ato vajza që kanë lëkurë të bardhë si një kukull porcelani dhe flokë të zinj, këshillohet e kuqja në ngjyrën vishnjë. Merrni frymëzim nga Dita Von Teese.
-E kuqe luleshtrydhe për biondet: Ndonjëherë duket sikur zgjedhja e buzëkuqit të kuq është më e thjeshtë për femrat bionde. Jo domosdoshmërish ndodh kështu. Në qoftë se keni flokë në nuancat e grurit, mjaltit dhe krem karamelit, zgjedhja e duhur është e kuqja luleshtrydhe.
