Butrint Imeri i ka surprizuar të gjithë fansat me projektin e fundit.
Këngëtari ka ardhur për herë të parë në një bashkëpunim me artistin gjerman Nimo, në atë që pritet të jetë hiti i verës.
“Dream girl” titullohet kënga e re e publikuar sot që është tipike verore dhe ritmike.
Kënga vjen në dy gjuhë, shqip dhe gjermanisht, ndërsa nuk mungon edhe një gjest që me siguri do t’ju bëjë krenarë.
Në një moment gjatë klipit, dy këngëtarët bëjnë shqiponjën me duar, për të përshëndetur të gjithë shqiptarët.
Kjo është kënga e dytë e kësaj vere për këngëtarin shqiptar. Një muaj më parë, ai publikoi këngën “Hajt hajt”, e cila është kthyer në një ndër hitet e kësaj vere dhe ka arritur plot 15 milionë klikime në Youtube.
