Ditën e sotme në emisionin “Historia ime” në “Tv Klan” ishte i ftuar Tomor Brahushi.
Ai është 37 vjeç dhe momentalisht jeton në qytetin e Lushnjës.
Tomori u braktis nga prindërit e tij biologjikë në maternitetin e Elbasanit dhe kur ishte 9 vjeç ai u birësua nga një familje në Lushnjë, e cila ishte në kushte jo të mira ekonomike.
Për të mos mjaftuar këto, 37-vjeçari rrëfen se është paragjykuar prej vitesh dhe njerëzit e etiketonin si transvestit.
Për këtë arsye ai u detyrua të martohej, edhe pse pa dëshirën e tij.
Tomori pranon hapur se nuk ndihet aspak si burrë dhe se ka dëshirë të ndryshojë gjini.
Ai dëshiron të bëhet si Linda Rei, por operacionet janë të kushtueshëm dhe Tomori nuk i përballon dot.
Mirela Milori: Ti më the ke qenë i martuar? Sa kohë ke qenë i martuar?
Tomor Brahushi: Po! E mora gjoja që të humbiste opinioni, që mos më thoshte njeri transvestit.
Mirela Milori: Sa kohë ndenjët të martuar?
Tomor Brahushi: Ndenjëm goxha. Kuptova pastaj që isha tip femre, se nuk dua ta bëj publike. E bëra që të humbisja opinionet e mia, gjërat e mija.
Mirela Milori: E bëre për të mbyllur gojët e njerëzve! Çfarë të thoshin njerëzit?
Tomor Brahushi: Më ofendonin, më fyenin Mirela. Nuk dua të më fyejë njeri me jetën time private. Se mund ta kem dhe në trashëgimi Mirela, por pse? S’duhet të ketë abuzime, ne kemi hyrë në Europë, çdo njeri shikon jetën e vet, unë tek jeta private e tjetrit nuk mund të hyj.
Mirela Milori: U martove që të mbroheshe nga opinionet?
Tomor Brahushi: Nga ofendimet në radhë të parë!
