Bashkia e Tiranës ka zgjedhur të përdorë idenë e artistit Clet Abraham, i njohur si Le Clet, për të krijuar tabelat rrugore me rastin e 100-vjetorit të Tiranës kryeqytet.
Ka qenë faqja “Exit.al“, ajo që ka vënë në dukje ngjashmërinë me veprat e artit të artistit që jeton dhe punon në Firence, Itali, me ato në Tiranë.
“Exit.al” shkruan se ka kontaktuar me studion e artistit për ta pyetur nëse i kishin dhënë leje Bashkisë së Tiranës të përdornin idenë e tij apo nëse ata kishin punuar me Bashkinë në këtë projekt.
“Fatkeqësisht ne nuk dinim gjë për këtë ‘surprizë’ në Tiranë. Ne menduam që bashkia do të ishte pak më e respektueshme për të drejtat e autorit”, ishte përgjigja e marrë.
Abraham ka lindur në Mbretërinë e Bashkuar në vitin 1966 dhe u arsimua për Arte në Rennes para se të transferohej në Itali në fillim të viteve 1990.
Ai është një piktor, skulptor dhe restaurues i njohur dhe i respektuar.
“Exit.al” thotë se ka kontaktuar edhe me kryetarin e Bashkisë së Tiranës, Erion Veliaj, por nuk ka marrë asnjë përgjigje nga ai.
Më poshtë do të shihni ngjashmërinë e tabelave përmes fotove:
