Futbollisti shqiptar, i cili luan për klubin spanjoll të “Granada” Myrto Uzuni i ka propozuar për martesë partneres e tij Uarda Hyseni, ne mes të fushës.
Në ndeshjen e mbrëmshme (kundër Leganés) sikur të mos mjaftonte shpallja kampion me Granadën, ngjitja në La Liga si dhe “Këpuca e Artë” si golashënuesi më i mirë i kampionatit, sulmuesi shqiptar, vendosi të prodhonte një tjetër “eurogol”, por kësaj here për sa i përket jetës private.
Uzuni kishte përgatitur një plan special: “Uarda do të martohesh me mua”? ishte fraza e cila u shfaq në ekranin e stadiumit të Granadës në fundin e ndeshjes, duke i emocionuar të gjithë.
