Ajo e ka blerë shtëpinë para shtatë vitesh për 21 milionë dollarë. Dhe tani Jennifer Aniston fton lexuesit, që të hyjnë në shtëpinë e saj të dashur, për të treguar se ka një gusto të jashtëzakonshme, jo vetëm në veshje, por edhe në arredimin përrallor.
Aniston jeton në Kaliforni me bashkëshortin e saj, aktorin dhe skenaristin Justin Theroux dhe tre qentë e tyre.
“Nëse nuk do të isha bërë aktore, do isha dizanjuese. E dua të gjithë procesin. Ka diçka që më mbush shpirtin”, ka thënë Aniston për revistën “Architectural Digest” (AD), ndërsa i ka pritur në shtëpinë e tyre.
“Në çdo cep të shtëpisë është një përvojë më vete. Ngado që të hedhësh sytë ke një pamje. Kemi punuar shumë për të bërë që gjithçka të ishte në vendin e duhur”, thotë ajo.
Ka pasur një specialist për gjithçka; kopshtin, dizajnin e mureve, tarracën, dhomave, kuzhinës, të gjithë cepave të asaj shtëpie të madhe e të bukur.
Megjithëse karriera e aktores vazhdon të jetë në majë, koha që i kushton shtëpisë është një nga prioritetet e saj.
“Ishte një kohë kur mendoja se të zhvendosje e të rimodeloje shtëpinë ishte romantike, e bëja çdo tre muaj, tani jam bërë më e organizuar dhe fokusohem mirë nëse bëj një projekt. Shoh përreth në shtëpi, shoh tim shoq, qentë dhe mendoj se nuk ka asnjë vend tjetër në botë ku do doja të isha”, tha Jennifer Aniston.
Burimi: Daily Mail
