Bregdeti shqiptar është një bukuri natyrore që ka tërhequr shumë vizitorë vitet e fundit. Jo vetëm për ta shijuar, por edhe për të xhiruar bukurinë e saj.
Ylli i famshëm britanik, Jonas Blue ka publikuar ditën e djeshme projektin e tij më të ri muzikor në bashkëpunim me William Singe, “Mama”.
DJ-i dhe producenti britanik ka zgjedhur bregdetin e bukur shqiptar për klipin e këtij projekti muzikor, duke bërë kështu një promovim të mrekullueshëm të vendit tonë.
Në klipin e kësaj kënge është e pranishme edhe modelja, Oriola Marashi, e cila duket sensacionale në këtë projekt të artistit të disa hiteve muzikore si “Fast Car”, “Perfect Stranger” etj.
