Menjëherë pas lajmit për divorcin mes Angelina Jolie dhe Brad Pitt, gazeta “Page Six” raportoi se shkaku i ndarjes së një prej çifteve më të përfolur të Hollivudit, është një person i tretë. Bëhet fjalë për aktoren franceze Marion Cotillard, me të cilën Pitt dyshohet se ka pasur një aferë.
Megjithëse thashethemet mbeten të pakonfirmuara, “Page Six” raporton se Jolie madje ka punësuar një dedektiv privat për të zbuluar tradhtinë e të shoqit.
“Ajo punësoi një dedektiv privat, sepse mendonte se ai po e tradhtonte dhe rezultoi e vërtetë”, ka thënë një burim anonim për gazetën. Pitt dhe Cotillard kanë luajtur bashkë në një film të ri, “Allied”.
Megjithatë, TMZ, e cila raportoi e para për divorcin, nuk përmend si shkak ndërhyrjen e një personi të tretë në mesin e çiftit Jolie-Pitt, duke u bazuar vetëm në aftësitë e Pitt si prind.
Një tjetër burim pranë çiftit rrëfeu për “Page Six” se historia e Brad me aktoren franceze Marion Cotillard, që u tha se ishte vendimtare në divorcin e çiftit, “është 100 % e rreme” dhe se aktori për momentin është i shqetësuar vetëm për fëmijët e tyre. Burimi gjithashtu tha se Jolie ishte aq xheloze, sa refuzoi ta takonte aktoren franceze në sheshxhirimin, ndonëse ajo ishte afruar që t’i fliste.
Një tjetër shkak që përflitet është se, Jolie-s i kishte ardhur në “majë të hundës” me raportin e Pitt ndaj alkoolit dhe substancave të tjera dhe atë që ajo e quan “problemin me zemërimin”.
Jolie-Pitt paraqitën kërkesën për “zgjidhjen e martesës”, përmes një deklarate nga ana e avokatit të saj, më 15 shtator. Ajo thuhet se ka kërkuar kujdestarinë fizike të gjashtë fëmijëve që ka me Brad dhe kërkoi që ai të marrë vetëm kujdestarinë ligjore, së bashku me të drejtat për t’i vizituar ata.
Burimi: Harpers Bazaar
