Ata ishin çifti më solid në “Hollywood”. Por Brangelina shumë shpejt nuk do të ekzistojë më dhe bashkë me të sikur u thye dhe “ëndrra” jonë për dashuri të përjetshme.
Fansat e çiftit janë ende të shokuar pas lajmit se, Angelina Jolie i kërkoi divorcin Brad Pitt. Më saktë, ajo ka filluar procedurat juridike, që të hënën, duke përdorur si argument mospërputhje të papajtueshme.
Aktorja plotësoi divorcin ndaj Brad, ku TMZ mësoi se arsyet e listuar ishin konflikti me fëmijët, abuzimi me substancat dhe zemërimi. Ajo kërkon nga gjykata kujdestarin e gjashtë fëmijëve të çiftit dhe t’i japë Pitt vetëm mundësinë për t’i vizituar.
Pjesë e rëndësishme për Angelina-n është fakti që nuk do që të ketë kujdestari të përbashkët fizike, por vetëm kujdestari ligjore nga ana e tij.
Burimet e lidhur me çiftin thanë se, vendimi i Angelina-s për të nënshkruar divorcin lidhej me mënyrën se si Brad po i edukonte fëmijët, ajo ishte shumë e mërzitur me metodat e tij.
Angelina-s “i erdhi në majë të hundës” që Brad konsumonte hashash dhe alkool, të miksuar me atë që ajo e quan “problem zemërimi”… duke thënë se ai u bë i rrezikshëm për fëmijët.
Në të vërtetë, avokati i aktores, Robert Offer, tha se ajo e mori vendimin “për të mirën e familjes”.
TMZ shkruan se në divorc nuk pretendohej “një person i tretë”, vendimi i saj lidhej vetëm me marrëdhënien e Brad me fëmijët e tyre. Angelina Jolie nuk përmend në asnjë rast thashethemet mes një tradhtie të Brad Pitt me aktoren Marion Cotillard, e gjitha lidhet me Brad dhe gjashtë fëmijët e tyre. Fjalët për tradhtinë nisën pasi Brad bashkëpunoi në filmin “Allied” me Marion, duke thënë se kjo është arsyeja. Por kjo nuk është e vërtetë!
Nga ana tjetër Jolie nuk kërkon mbështetje bashkëshortore. Aktorja e shënoi datën e ndarjes në 15 shtator të 2016-s.
Angelina Jolie dhe Brad Pitt u martuan në gusht të 2014-s, ndërsa janë bashkë që prej vitit 2004.
Herën e fundit që çifti u pa së bashku ishte në korrik, kur ata dolën me binjakët Knox dhe Vivienne, për një drekë ditëlindjeje në West Hollywood.
Burimi: TMZ
