Bora Zemani, Romeo dhe Donald Veshaj janë drejtuesit e programit më të ri në Vizion Plus dhe Tring.
Prezantuesja ndau pak më parë në Instagram spotin e emisionit që do të nisë në qershor pra, shumë shpejt, dhe nga spoti konfirmohet natyra humoristike e emisionit.
“Treshat” quhet emisioni, spoti i të cilit ironizon gjithë programet e tjerë televizivë.
“Treshat” do të transmetohet çdo të premte duke u bërë kështu ndër të paktat emisione që transmetohen gjatë verës.
“Ne nuk mërzitemi nëse nuk na shikon. Është e vështirë të bindësh bananen se luleshtrydhja është më e mirë se bananja”, thotë Bora në fund të spotit.
Herën e fundit, Borën e pamë të prezantojë fazën e parë të “Këngës Magjike” e më pas netët finale bashkë me Klaudia Pepën.
Kurse binjakët Veshaj i njohim nga spektakli i humorit “Al Pazar” në Vizion Plus.
