E shtuna ka mbërritur me borë për shumë qytetarë të Kosovës, veçanërisht ata në kryeqytet, që janë zgjuar në një mëngjes të zbardhur.
Ashtu siç edhe ishte paralajmëruar nga meteorologët, bora e parë ka mbuluar çatitë e të gjitha ndërtesave në vend.
E kjo gjë mesa duket ka befasuar një pjesë të mirë të këngëtarëve, të cilët të zgjuar herët në mëngjes, kanë publikuar në rrjetet e tyre sociale imazhe nga atmosfera jashtë dritares së tyre.
Reperi Skivi, këngëtarja Mihrije Braha, Butrint Imeri e Blero janë vetëm disa nga emrat që u befasuan sot nga bora e parë.
Në vazhdim mund të shihni disa prej postimeve të tyre në rrjetet sociale, që tregojnë edhe gëzimin që përjetuan në mëngjesin e zbardhur.
