Bluza e Dior me sloganin “We should all be Feminists” (“Duhet të jemi të gjithë feministë”), e cila kushton vetëm 710 dollarë, ishte artikulli më i dëshiruar i yjeve në mbarë botën.
Bluza në vetvete u shoqërua dhe me video të femrave e meshkujve, të cilët shpjegonin çfarë besonin që është feminizmi në 2017-n.
Edhe markat popullore e huazuan sloganin të sjellë në formate të ndryshme, por mesazhi mbetej i njëjtë: Gruaja. “Feminist As Fuck”, “The future is Female” e të tjera si këto ishin kryefjala e pranverë/verë 2017.
Edhe unë s’mund të mos bija pre e sloganit në fjalë të sjellë pak më ndryshe, duke e modifikuar sadopak, jo sepse nuk besoj në feminizmin apo se dua të dal kundër, por në të vërtetë besoj se vlera më e madhe që mund t’i mësojmë njeriut është Dinjiteti. Nëse mund të shohësh veten në pasqyrë e të mos i heqësh sytë, sepse të pëlqen ajo që shikon do të thotë që ke jetuar me dinjitet.
Edhe moda në dukje sipërfaqësore të ndihmon të gjesh dëshirën, pasionin e të mbushesh si personazh, pa e humbur origjinalitetin e dinjitetin.
*Nga blogerja Estela Ujka, sharminstyle.com
