Protestuesit ndodhen tani tek rruga “Myslym Shyri”, ku kanë bllokuar hyrjen e rrugës dhe kanë vendosur koshat e plehrave në fillim të saj.
Protestuesit e revoltuar u kanë vënë flakën plehrave dhe koshave të mbeturinave dhe po ecin teksa pritet që të mbërrijnë tek Drejtoria e Policisë.
Protesta do të vijojë tek Drejtoria e Policisë teksa duket se protestuesit kanë nisur një rrugëtim në gjithë Tiranën duke shkaktuar dëme.
View this post on Instagram
Ajo vijon që prej orës 16:15 dhe qindra qytetarë të mbledhur së bashku kërkojnë drejtësi për Klodian Rashën që e vrau efektivi i policisë. Ata kërkojnë dorëheqjen e ministrit Sandër Lleshaj.
View this post on Instagram
Më parë është protestuar tek kryeministria, Ministria e Brendshme, Bashkia e Tiranës si dhe sheshi ”Skënderbej”. Deri tani është djegur pema e Krishtlindjeve në sheshin “Skënderbej” dhe ajo para kryeministrisë, perdet e Ministrisë së Brendshme dhe numërohen 11 të plagosur, mes të cilëve një qytetar, një gazetar dhe nëntë efektivë.
