Përdorimi i bimëve me veti shëruese ka qenë dhe vazhdon të jetë burim shumë i rëndësishëm për mbrojtjen e shëndetit. Shumë prej këtyre bimëve përdoren në forma të ndryshme, qofshin ato tradicionale apo industriale. Duke filluar nga rrënjët, kërcelli, gjethet dhe lulet, secila nga këto pjesë, tregojnë efektet e tyre karshi sëmundjeve qofshin ato bakteriale, qarkullim të gjakut, frymëmarrje, etj.
Xhenxhefili
Xhenxhefili ka një përdorim mjaft të gjerë në vendet e Azisë. Rrënjët e kësaj bime përmbajnë në veti lëndët ushqyese që mund të përdoren si antibakterial, antivirusal dhe antioksidant.
Vetitë pozitive:
-Përmirëson shfrytëzimin e materieve ushqyese nga trupi
-Ndihmon në luftimin e kancerit, diabetit dhe astmës
-Lëngu i xhenxhefilit ndihmon në procesin e tretjes
Menta
Menta është një bimë aromatike shëruese e cila ka një përdorim mjaft të gjerë. Ka me qindra varietete të ndryshme. Më së miri zhvillohet në ambiente dhe toka me lagështi.
Vetitë Pozitive:
-Ndihmon tretje të ushqimit
-Ulë depresionin
-Ndihmon në trajtimin e astmës
Kamomili
Bima e kamomilit është njëra ndër bimët që ka një përdorim mjaft të gjerë dhe pothuajse përdoret në të gjitha vendet e botës. Këtu përdoret lulja e saj e cila mund të ndihmojë në shërimin e shumë sëmundjeve pa ndonjë efekt anësore.
Vetitë Pozitive
-Trajton pezmatimet e ndryshme
-Ulë gjasat e prekjes nga kanceri
-Ka veti relaksuese për muskujt
Aloe Vera
Bima Aloe Vera mund të gjendet në afërsi të ujërave. Gjethet e saj janë të forta dhe të trasha, të cilat përmbajnë mjaft materie ushqyese si vitamina, minerale, enzime, aminoacide e lëngje të tjera me veti shëruese. Ka një përdorim të gjerë në industrinë e kozmetikës ku edhe përdorët mjaft shumë në shërimin e lëkurës nga të djegurat.
Vetitë Pozitive
-Ndihmon tretjen
-Rregullon lëkurën gjatë dëmtimit të qelizave
-Parandalimin e kancerit në stomak dhe zorrë të trashë
Hudhra
Hudhra ka një përdorim mjaft të gjerë, ajo përdoret në gatim, si dhe mund të përdoret edhe si ilaç shërues për një gamë të sëmundjeve. Është e varfër në kalori, mirëpo përmban mjaft veti ushqyese. Ajo posedon Vitaminën C, B6, M dhe fibra.
Vetitë Pozitive
-Mbrojtje nga kanceri
-Rritë imunitetin
-Ndihmon tretjen dhe shfrytëzimin e materieve ushqyese
Kopra
Gjen përdorim mjaft në menutë e kuzhinave. Ka një efekt mjaft shërues dhe ndihmon në ndalimin e dhimbjeve. Përdoret edhe kundër kollës.
Vetitë Pozitive
-Ndihmon në uljen e depresionit
-Ndihmon në uljen e kolesterolit
-Burim i mirë i kalciumit, magnezit dhe hekurit
