Njëkohësisht me publikimin e “Live it Up” himnin e Kampionatit Botëror të Futbollit, Era Istrefi publikoi edhe projektin e saj më të ri muzikor “Prisoner”.
Kënga e stilit ‘reggae’ ka tërhequr vëmendje ndërkombëtare menjëherë pas publikimit dhe “Billboard” ka vendosur t’i kushtojë këngëtares shqiptare një artikull të shkurtër.
“Unë jam rritur duke dëgjuar muzikë reggae dhe kur dëgjova demon e “Prisoner” të shkruajtur nga Emily Warren dhe Sccot Harris, e ndjeva menjëherë se kjo këngë ishte bërë për mua”- tha Era në intervistën për “Billboard”.
Era Istrefi është një artiste në rritje dhe duket se po teston çdo cep të potencialit të saj. Istrefi ka treguar edhe një herë se makina e saj krijuese nuk mund të përmbahet, shkruan “Billboard”.
Ndërkohë “Prisoner” ka marrë me mijëra klikime në “You Tube” vetëm 2 ditë pas publikimit të versionit audio.
