Bilanci ditor i COVID-19 në Itali vijon të jetë tragjik: 727 viktima në 24 orë

Bilanci tragjik i viktimave nga koronavirusi në Itali, nuk po ndalet.

Departamenti i Mbrojtjes Civile në Itali ka bërë sot publike shifrat e reja sipas të cilave, brenda 24 orëve kanë ndërruar jetë si pasojë e COVID-19, 727 persona, duke e çuar numrin total të viktimave në 13,155.

Lexo edhe :

Homazhe sonte në Lezhë për Xhuana Nikollajn, 25-vjeçarja nuk donte t’u bëhej barrë familjarëve; po niste jetën nga zero në Tiranë

21:55 13/03/26

Sa jetojnë macet? Ja çfarë duhet të bëni që të jetojnë më gjatë

15:46 13/03/26

Të martën numri i personave që ndërruan jetë ishte 837, kjo do të thotë që ka pasur një ulje disi pozitive.

Ndërkohë, numri i vdekjeve nga koronavirusi në Mbretërinë e Bashkuar është rritur me 563 në 24 orët e fundit, një rritje rekord që e ka çuar numrin e pacientëve që vdiqën në spital në 2,352.

Sot Spanja regjistroi numrin e saj më të lartë të vdekjeve ditore – 864 persona të tjerë – ndërsa infeksionet u rritën në 102.136, nga 94.417.

Ndërsa në Shtetet e Bashkuara, numri i të vdekurve ka tejkaluar 4.000.

/Iconstyle.al