Italia vazhdon të qëndrojë në vendin e parë si shteti me bilancin më të frikshëm të Covid-19.
Numri i të prekurve dhe viktimave vazhdon të rritet ndjeshëm nga dita në ditë dhe situata është bërë e papërballueshme.
Deri tani, vendi numëron fatkeqësisht 10,779 jetë të humbura në total, ndërsa vetëm 24 orët e fundit kanë ndërruar jetë 756 persona.
Sipas përditësimit të fundit të të dhënave, Italia ka konfirmuar 97,689 persona të infektuar, ndërsa 3,906 prej tyre janë në gjendje kritike për jetën.
Në ndihmë të popullit italian, ditën e djeshme mbërritën në Romë 30 mjekë shqiptarë, të cilët do të qëndrojnë atje për një muaj dhe do të kujdesen për të infektuarit me Covid-19.
